Gŵyl Beyond the Border 2023 -30 mlynedd o Ŵyl Chwedleua Ryngwladol Cymru.
Ryngwladol Cymru, sy’n cael ei hystyried yn un o’r gwyliau chwedleua mwyaf llwyddiannus ac amlwg ar draws y Deyrnas Unedig, ac yn rhyngwladol. Mae’n meithrin talent o Gymru yn ogystal â denu chwedleuwyr rhyngwladol ac amrywiol i Gymru a dangos Cymru i’r byd.
Bydd Beyond the Border yn 30 eleni, ac i ddathlu mae rhaglen dri diwrnod lawn i’r ymylon (7-9 Gorffennaf 2023) yn nhirwedd hudolus, castell a choetir trawiadol Ystâd Dinefwr yr Ymddiriedolaeth Genedlaethol, CADW ac Ymddiriedolaeth Bywyd Gwyllt Cymru, yn Sir Gaerfyrddin. Os byddwch yn ymuno am brofiad gwersylla unigryw am y penwythnos cyfan, neu yn ymweld am y diwrnod, bydd teuluoedd o bob oed (ac oedolion hefyd) wrth eu boddau gyda rhaglen amrywiol a difyr o storïau, cerddoriaeth, perfformiadau, sgyrsiau i ysbrydoli a gweithgareddau celf a chrefft. Bydd yr ŵyl yn cynnwys dathliad o storïau yn Saesneg, rhai yn Gymraeg, a rhai rhyngwladol, ac mae hygyrchedd yn ganolog iddi, gydag ymrwymiad i sicrhau bod pob cynulleidfa’n gallu profi’r ŵyl.
Thema’r ŵyl eleni fydd Dyma’r Amsersy’n cwmpasu gorffennol, presennol a dyfodol chwedleua yng Nghymru, trwy lens ieithoedd, storïau a cherddoriaeth o Ewrop a’r byd – gyda gwahoddedigion rhyngwladol arbennig yn cynnwys Csenge Zalka chwedleuwraig y troseddwyr gwaethaf a llên gwerin ffeministaidd o Hwngari a Joe Baele ‘Mysgedwr anarchaidd’ Gwlad Belg.
Bydd un o ffefrynnau’r ŵyl Daniel Morden â’r ffidlwr eithriadol Oli Wilson-Dickson yn rhannu eu cymysgedd fywiog o hwyl llên gwerin i deuluoedd. A hefyd, y seiri geiriau meistrolgar, TUUP a Sally Pomme Clayton gyda chwedlau llawn awyrgylch a risqué weithiau yn hwyr y nos i oedolion!
Ceir traddodiadau gwirioneddol o gerddoriaeth a storïau o Orllewin Affrica gyda’r perfformiwr meistrolgar ar y Balafon N’famady Kouyaté a The Successors of the Mandingue, a thriawd o Gyfarwyddion Cyfoes Mycelium, Mair Tomos Ifans, Jo Munton a Deb Winter yn rhannu darnau blasus o’r chwedlau a gasglwyd yn ystod eu cyfnod preswyl o flwyddyn ar draws Cymru.
Bydd Citrus Arts yn rhannu eu cymysgedd arbennig o syrcas, dawns a drama a gall y rhai ddaw i’r ŵyl rannu eu stori eu hunain ar Ddydd Sadwrn Llafar gyda People Speak Up. Mae sioeau i deuluoedd, sesiynau drama ben bore i’r plant, perfformiadau wedi eu hysbrydoli gan Cad Goddeu: The Battle of the Trees a darn newydd Carl Gough yn teithio trwy amser Nexus, yn amlygu eiliadau o lunio penderfyniadau a fydd, gobeithio, yn ein harwain at ddyfodol mwy disglair. Hyn i gyd, a Cath Little, Alim Kamara, Christine Watkins, a llawer mwy o artistiaid, cerddorion a chwedleuwyr i’w cyhoeddi yn Chwefror 2023.
Newydd eu cyhoeddi:
- Yn uchafbwynt slot cerddorol nos Sul bydd The Successors of the Mandingue, band o saith trawiadol, yn cynnwys offerynnau traddodiadol Gorllewin Affrica, rhythmau heintus, symudiadau dawns ffrwydrol, a melodïau hudolus. Maent yn hanu o Guinea, Senegal, y Gambia, Cote d'Ivoire, a Burkina Faso; mae eu doniau cerddorol wedi eu gwreiddio yn yr un hen draddodiadau hynafol ag a welwyd trwy’r Ymerodraeth Mandingue.
- Mae “Ieithoedd Chwedleua” yn blethiad difyr o lên gwerin a chwedlau o Québec a Chymru ac yn cael eu perfformio yn Gymraeg, Ffrangeg a Saesneg. Bydd hyn yn cael ei greu a’i berfformio gan ddau chwedleuwr gwych hollol ddwyieithog, Michael Harvey o Gymru a Stéphanie Bénéteau o Ganada, diolch i gyllid gan lywodraethau Cymru a Québec.
- Yn sylfaenydd ‘cwmni o chwedleuwyr’ cyntaf Ffrainc, bydd Abbi Patrix yn ymweld â Dinefwr am y tro cyntaf i ddod â pherfformiad newydd difyr yn tynnu ar ei brofiad yn teithio ac yn adrodd storïau yn Tsieina. Mae ‘Y Profiad Tsieineaidd’ yn cynnwys gwahoddiad i ‘Gael Te hefo Abbi’, gan brofi storïau yn y ffordd y maent yn cael eu rhannu yn nhai storïau Tsieina, gydag aelodau’r gynulleidfa yn sgwrsio ac yfed te rhwng y sesiynau stori.
Ochr yn ochr â’r rhestr liwgar o artistiaid fydd yn chwedleua, mae Gŵyl Beyond the Border yn cynnig cyfle i ymwelwyr ymlacio ac ailgysylltu â natur; archwilio tiroedd rhyfeddol Dinefwr, gyda theithiau cerdded trwy’r coed a’r Castell hanesyddol, yn llawn chwedlau. Mae’r amgylchedd naturiol yn cynnig digonedd o ffyrdd i ymlacio gyda ffrindiau a theulu a mwynhau bwyd blasus a stondinau diod yn cynnig y bwyd lleol a Chymreig gorau.
Bydd Beyond the Border hefyd yn cynnwys uchafbwyntiau ei rhaglen flynyddol. Mae’r rhain yn cynnwys:
- Hwb Chwedleua Myseliwm Chwedleuwyr a chynhyrchwyr sy’n ymwneud â datblygu cenhedlaeth newydd o chwedleuwyr ar draws Cymru – cynllun cydweithredol newydd rhwng gweithwyr llawrydd a sefydliadau a gefnogir gan Gronfa Cysylltu a Ffynnu Cyngor Celfyddydau Cymru. Yn y cyfnod cyn yr ŵyl bydd Cyfarwyddion Cyfoes lleol yn cysylltu â grwpiau ac ysgolion lleol a fydd yn cymryd rhan yn yr ŵyl.
- CASGLU bydd cyfleoedd i rwydweithio a llunio cysylltiadau gyda chwedleuwyr sydd wedi hen sefydlu a’r rhai sy’n dechrau meddwl am lwybr i mewn i chwedleua.
- Cyfeiriadau Newydd - mae Rhaglen Cyfeiriadau Newydd Beyond the Border yn borth i leisiau newydd berfformio yn yr ŵyl. Yn 2021 roedd Lleisiau Newydd yn cynnwys The Gods Are All Here Phil Okwedy sydd yn awr wedi mynd ar daith trwy Gymru a Lloegr.
Am wybodaeth lawn am Ŵyl Beyond the Border – Gŵyl Chwedleua Ryngwladol Cymru ewch i: Ŵyl